Soċjeta' Mużikali Peace Naxxar

Illejla, s-Sindku Dr. Chris Deguara ltaqa’ mal-Kumitat tas-Soċjetà Mużikali Peace, Naxxar biex jiddiskutu kif il-Kunsill Lokali u l-għaqda jistgħu jikkollaboraw aħjar. Ġew diskussi numru ta’ kwistjonijiet, speċjalment dawk relatati mal-festa. Wara li ffirma l-ktieb tal-viżitaturi, s-Sindku ngħata sorpriża ħelwa b’kejk f'għeluq sninu! Minkejja li kienet il-ġurnata ta’ għeluq sninu, din kienet l-aħħar minn sensiela ta’ impennijiet favur il-lokalita’ matul il-ġurnata.

Kienet ix-xewqa tas-Sindku li jżur il-klabbs personalment, u laqgħat mal-NGOs l-oħra se jsegwu.

Matul dawn id-disa’ Sibtijiet Alana Bondin se tkunu qed twasslilna kurżitajiet b’rabta man-Naxxar, il-Parroċċa u s-Soċjetà Mużikali Peace.

𝗞𝗼𝗻𝘁 𝘁𝗮𝗳 𝗹𝗶... sena ilu...

Fil-jiem li għaddew inxtraw żewġ strumenti ġodda biex studenti li qed jitħarrġu fil-mużika jkomplu l-istudji tagħhom fil-prattika b’strumenti ġodda. Dawn l-istrumenti jikkonsistu f’kurunetta u saxophone alto. L-istrumenti nxtraw bl-għajnuna mill-fond, ‘It-Taħriġ Mużikali taż-Żgħażagħ fil-Każini tal-Banda’ amministrat mill- Aġenzija Żgħażagħ.

B’niket inħabbru l-mewt tas-Sur 𝗝𝗼𝘀𝗲𝗽𝗵 𝗖𝗼𝗿𝘁𝗶𝘀. Bandist eżemplari u ta' rispett kbir li għal snin twal, sa kemm felaħ, ta servizz leali lis-Soċjetà Mużikali Peace, Naxxar. Kien mużiċist fejn kien jattendi kull kunċert ta' prova u int u tiela t-taraġ tal-każin kont tisma lill Joe jippratika l-mużika bid-daqq tal-Euphonium qabel il-bidu tal-kunċert. Grazzi Joe tal-pariri kollha li tgħajtna. L-aħħar tislima lil Joseph Cortis ħa ssir fil-Kolleġġjata Bażilika u Proto-Parrokkjali ta' San Pawl tar-Rabat, nhar l-Erbgħa, 12 ta’ Ġunju, fl-4:00pm.

Waqt seduta tal-Kumitat li saret fl-1 ta' April, il-President Edward Azzopardi appunta lil Wayne Formosa bħala Viċi President kif ukoll lil Maria Fenech bħala Assistenta Segretarju tas-Soċjetà Mużikali Peace, Naxxar.

Prosit u awguri għal aktar suċċess.