Dalgħodu qomna b’aħbar xejn sabiħa - b’niket u dispjaċir kbir inħabbru t-telfa ta’ Raymond Chetcuti, bniedem kwiet u leali f’dak kollu li kien jagħmel: fil-familja, fuq il-post tax-xogħol, kif ukoll fi ħdan is-Soċjetà Mużikali Peace, Naxxar.
Raymond huwa ex-membru fil-Kumitat, raġel tal-Kaxxiera tas-Soċjeta', Mariella Chetcuti u missier Gayle u Keith li huma membri attivi fis-Soċjeta' u ex mużiċisti. Raymond kien raġel eżemplari u persuna ġentili ta’ rġulija kbira, li dejjem wera d-disponibbiltà tiegħu minn qalbu lejn is-Soċjetà.
Kondoljanzi mill-qalb lill-familja kollha, u grazzi ta’ kollox, Ray.
Strieħ fis-sliem, Ray. Marija Bambina tilqgħek fi ħdanha.
Agħtih, O Mulej, il-mistrieħ ta’ dejjem.
L-aħħar aġġornament sar nhar: Il-Ħamis, 13 ta’ Awwissu 2026