Redemptor Mundi - Attivitajiet imtellgħa mis-Soċjetà għall-Ġimgħa Mqaddsa 2018

Soċjeta Mużikali Peace A.D. 1862 - Naxxar

Ninsabu biss ftit ġranet il-bogħod għaż-żminijiet tal-Ġimgħa Mqaddsa, fejn għal ħafna persuni, dan iż-żmien iqisuħ bħala l-isbaħ żmien tas-sena'. Din is-sena s-Soċjeta' tagħna bħal kull sena oħra ser terġa tkun impenjata b'diversi attivitajiet fosthom, bi Programm ta' Marċi Funebri li sar nhar l-Erbgħa 21 ta' Marzu. Wara dan il-Programm, ġiet innawgurata l-wirja ta' Mudell ta' Knisja u diversi xogħlijiet artistiċi marbuta mal-Ġimgħa Mqaddsa fis-Sala tal-Mużew.

 

Ftuħ tal-Wirja

Fost il-Ġimgħa' 18:00 - 21:00
Nhar is-Sibt 17:00 - 21:00
Ħadd il-Palm 08:30 - 12:00
17:00 - 21:00
Ħamis ix-Xirka 18:00 - 23:00
Ġimgħa l-Kbira 08:30 - 12:00

 

Bħal kull sena b'unur u privileġġ kbir, il-Banda Peace ser tkun qiegħda tagħti s-sehem tagħha wkoll fil-Ġimgħa l-Kbira u Ħadd il-Għid. Il-Banda Peace, ser takkumpanja l-Vara l-Kbira matul il-Purċissjoni tal-Ġimgħa l-Kbira, u ser takkumpanja lill-istatwa artistika ta' Kristu Rxoxt f'Ħadd il-Għid.

F'isem il-Kumitat u l-Kummissjonijiet tas-Soċjeta' nixtiequ nħeġġu lis-soċji u dilettanti tal-Ġimgħa l-Kbira sabiex jattendu għal l-attivitajiet msemmija. Grazzi.

 

Din is-sena erġajna ħadna l-opportunita' u xxandarna xandira diretta mis-Sala Marija Bambina lin-nies li huma membri fil-Facebook Page tas-Soċjeta'.

Live Streaming tal-Kunċert ta' Marċi Funebri

L-aħħar aġġornament sar nhar: It-Tnejn, 26 ta' Marzu 2018