F'isem il-President Edward Azzopardi, u l-Membri tal-Kumitat tas-Soċjetà Mużikali Peace, Naxxar, nirringrazzjaw lil kull min ħadem sabiex organizzajna Festa oħra ad unur Marija Bambina. Festa li għalkemm ma’ ġietx iċċelebrata b’mod normali, kienet waħda iebsa u ta’ impenn minn aspetti oħra speċjalment minħabba r-restrizzjonijiet imposti.
Grazzi wkoll lill-membri tagħna u lil kull min żar is-sede tagħna tal-koperazzjoni sħiħa tagħhom f’kull attività li kellna mill-bidu sa tmiem il-festa. Grazzi wkoll li segwejtu l-programm virtwali Bandiera Blu li kien suċċess kbir, grazzi lil dawk il-benefatturi li minkejja ż-żmien diffiċli xorta waħda resqu ‘l quddiem bid-donazzjoni tagħhom.
Fl-aħħar però żgur mhux l-inqas nirringrazzjaw lill-Bandisti u s-Surmast tagħna li minkejja d-diffikultajiet irnexxielna nagħmlu li nistgħu bil-limitazzjonijiet kollha, fosthom quddiesa bis-sehem tal-banda u l-vuċijiet nhar it-3 ta’ Settembru, kif ukoll daqq ta’ marċi fil-każin fil-5 u t-8 ta’ Settembru.
𝗚𝗥𝗔𝗭𝗭𝗜!
L-aħħar aġġornament sar nhar: Il-Ġimgħa, 10 ta’ Settembru 2021