Nhar il-Ħadd 9 ta' April, il-Banda Peace bi pjaċir u unur kbir bħal kull sena akkumpanjat lill-istatwa artistika ta' Kristu Rxoxt mat-toroq Naxxarin. Il-banda Peace daqqet bosta marċi brijjużi, klassiċi kif ukoll valzi matul il-purċissjoni sħiħa. Din is-sena l-Kumitat tal-Kolleġġjata Marija Bambina tan-Naxxar ħabbar li l-purċissjoni bl-istatwa ta' Kristu Rxoxt ser issir filgħaxija minnflokk filgħodu. Filgħaxija fil-5:00pm saret il-Quddiesa Kantata bl-omelija u wara, bis-sehem tal-Banda Peace, bdiet ħierġa l-purċissjoni bl-istatwa tal-Irxoxt.