Nhar is-Sibt 22 ta' April filgħodu, kien ta' pjaċir għalina li lqajna delegazzjoni ta' madwar mitt persuna mill-Comune di Canicatti fi Sqallija. Din id-delegazzjoni żaret pajjiżna u b'mod speċjali n-Naxxar hekk kif nhar il-Ġimgħa 21 ta' April qabel l-inawgurazzjoni tal-Mitħna tal-Għaqba ġie ffirmat ġemellaġġ ġdid bejn il-Kunsill Lokali tan-Naxxar u dak ta' Canicatti.
Il-President tas-Soċjeta', is-sur Edward Azzopardi għamel preżentazzjoni interessanti ferm dwar is-Soċjeta' tagħna kif ukoll kif din żviluġġat matul is-snin. Dan intlaqa' b'mod tajjeb ħafna minn din id-delegazzjoni u kien hemm kliem ta' tifħir għal mod kif l-amministrazzjoni tagħna mexxiet u għadha tmexxi 'l quddiem lill-Banda Peace.