Soċjetà Mużikali Peace Naxxar

Illum ninsabu fl-ewwel Sibt ta' Awwissu, u aktar kemm jgħaddi żmien, aktar qiegħdin noqorbu għal Festa għażiża tagħna ta' Ommna Marija Bambina. Illum qiegħdin llkoll flimkien niċċelebraw ir-Raba' Sibt tal-Festa. F'dan is-Sibt xtaqna naqsmu ftit strofi minn poeżija sabiħa oħra fejn qiegħdin nitolbu lill Ommna Marija Bambina sabiex iżżomm ideha fuq it-tfal tagħna u sabiex tgħina inrawwmu t-tfal jikbru jħobbu l-kultura.

Illum is-Sibt 25 ta' Lulju qiegħdin llkoll flimkien niċċelebraw it-Tielet Sibt tal-Festa ta' Ommna Marija Bambina. Għalina n-Naxxarin, il-Festa hija ferm għażiża u għalhekk nixtiequ bħala Soċjeta' nħeġġu lil kulħadd b'mod speċjali lis-soċji, bandisti u ħbieb ta' din is-Soċjeta' sabiex itellgħu l-bnadar tagħhom u llejla jixgħelu l-globi u festuni blu.

Illum is-Sibt 18 ta' Lulju huwa t-Tieni Sibt tal-Festa ta' Ommna Marija Bambina. F'dan is-Sibt xtaqna naqsmu ftit strofi minn poeżija sabiħa li tfakkar l- inawgurazzjoni tal-armar artistiku tal-Faċċata Kollosali li ġiet imżanżna nhar it-3 ta' Settembru 2018. Faċċata Tridimensjonali...Għall-Festa Nazzjonali. 

Illum is-Sibt 11 ta' Lulju qiegħdin llkoll flimkien niċċelebraw l-ewwel Sibt tal-Festa ta' Ommna Marija Bambina. Għalina n-Naxxarin, il-Festa hija ferm għażiża u għalhekk nixtiequ bħala Soċjeta' nħeġġu lil kulħadd b'mod speċjali lis-soċji, bandisti u ħbieb ta' din is-Soċjeta' sabiex itellgħu l-bnadar tagħhom u llejla jixgħelu l-globi u festuni blu. Il-kulur blu propju jfakkarna fit-twelid ta' Ommna Marija Bambina. Il-Kummissjoni Żgħażagħ li din is-sena qiegħda tiċċelebra l-25 sena mit-twaqqif tagħha ser tkun qiegħda tbiegħ sett ġdid ta' bnadar li jistgħu jitwaħlu mall-gallarijiet tagħkom.

 Viva Marija Bambina u l-Ewwel Banda Naxxarijja...

Il-Kummissjoni Żgħażagħ fi ħdan is-Soċjeta' li din is-sena qiegħda tiċċelebra l-25 sena mit-twaqqif tagħha ddisinjat u ser tkun qiegħda tbiegħ sett ġdid ta' arloġġi. L-ordinijiet ta' dan is-sett il-ġdid ta' bnadar ser ikunu qiegħdin jittieħdu sa nhar il-Ħadd, 28 ta' Ġunju 2020.

Il-Kummissjoni Żgħażagħ fi ħdan is-Soċjeta' li din is-sena qiegħda tiċċelebra l-25 sena mit-twaqqif tagħha ddisinjat u ser tkun qiegħda tbiegħ sett ġdid ta' bnadar għall-gallarijji. Għandna żewġ verżjonijiet b'żewġ qisien differenti minn fejn tistgħu tagħżlu (għażla bejn bl-arma tas-Soċjeta' jew mingħajr arma.)