Għadu kemm tħabbar uffiċjalment ir-riżultat tal-Kompetizzjoni Nazzjonali tal-Presepji, fejn is-Soċjetà Mużikali Peace tan-Naxxar ikklassifikat fit-tieni post fil-Kategorija Numru 9, bħala l-aktar post addattat, bl-esibizzjoni artistika Christus Natus Est. Din kienet l-ewwel darba li s-Soċjetà pparteċipat f’din il-kategorija.
Ringrazzjament kbir imur lill-membru tal-Kumitat responsabbli mill-armar u l-attivitajiet kulturali, is-Sur Anthony Deguara, għad-dedikazzjoni tiegħu, kif ukoll lill-voluntiera kollha li assistew sabiex din il-wirja setgħet tittella’. Ringrazzjament ukoll lill-esibituri kollha li aċċettaw li jkunu parti minn din l-esibizzjoni.
Kultura | Culture Directorate, Malta
L-aħħar aġġornament sar nhar: Il-Ħadd, 11 ta’ Jannar 2026