Il-komunità Naxxarija qed tħejji ruħha għal wieħed mill-aktar mumenti sinifikanti u emozzjonali fl-istorja tagħha. Taħt l-isem emblematiku “300 Sena Fostna n-Naxxarin”, ser jittella' Kunċert Marjan Vokali u Strumentali mill-aqwa mis-Soċjetà Mużikali Banda Peace. Dan il-kunċert storiku qed jiġi organizzat fl-okkażjoni speċjali tat-300 anniversarju mill-wasla tal-Istatwa Titulari tant għażiża ta’ Marija Bambina fostna n-Naxxarin. Bħala xhieda tal-importanza nazzjonali ta’ din il-ġrajja, l-attività ser tkun taħt il-patroċinju distint tal-President tar-Repubblika ta' Malta, l-E.T. Myriam Spiteri Debono.