Soċjetà Mużikali Peace Naxxar

Il-Kummissjoni Żgħażagħ fi ħdan is-Soċjeta' qiegħdin ibiegħu 'covers' tal-mobile li huma kompatibbli għal kwalunkwe mobile. Hemm tlett tipi ta' 'covers' li huma (1) Bi xbieha tal-istatwa titulari ta' Marija Bambina fl-isfond tidher il-Faċċata ta' Palazzo Vittoria; (2) bl-emblema tas-Soċjeta'; jew (3) bi xbieha tal-istatwa titulari ta' Marija Bambina ġewwa l-knisja. €20 donazzjoni ta' kull 'cover'. 

Il-Kummissjoni Żgħażagħ tixtieq tinforma lill-partitarji li ser jinħadmu sett ġdid ta' Polo Shirts irrakkmati. Għall-ordinijiet ċemplu fuq 9971 2956 jew minn OTTO Clubhouse. 

Matul dawn l-aħħar xhur minn attenda l-każin seta' jingħota li bħalissa għaddejin bosta proġetti ta' rinovazzjoni fosthom il-proġett tas-Sala tal-isnooker. Bħalissa għaddejin l-aħħar ftit xogħlijiet f'din is-sala sabiex terġa tiġi nnawgurata nhar il-Ħadd 14 ta' Mejju.

Aktar strumenti lesti sabiex jintużaw mill-istudenti ġodda wara manutenzjoni estensiva fuqhom. Il-missjoni prinċipali tas-Soċjetà tagħna hija li noffru tagħlim tal-mużika b’xejn. Jekk tixtieq tgħin b’mod finanzjarju sabiex inkomplu din il-ħidma nitolbuk tkellimna. 𝗚𝗿𝗮𝘇𝘇𝗶.

Il-Kumitat Ċentrali flimkien mall-Kummissjonijiet tas-Soċjeta' Mużikali Peace jixtiequ jawguraw l-Għid it-Tajjeb lilek u lill-familja kollha tiegħek. Infakkrukhom li l-banda Peace ser tkun qiegħda tagħti s-sehem tagħha matul il-purċissjoni ta' Kristu Rxoxt b'daqq ta' marċi brijjużi u valzi mat-toroq Naxxarin. Il-Banda Peace ser tibda ddoqq mill-pjazza wara l-quddies tal-5:00pm.