Stqarrija mill-Kumitat tas-Soċjetà Mużikali Peace tan-Naxxar

Soċjeta Mużikali Peace A.D. 1862 - Naxxar

Il-President u l-Kumitat tas-Soċjetà Mużikali Peace tan-Naxxar, jikkundannaw l-att irresponsabbli li sar dalgħodu kmieni, fejn intwaddbu ammont kbir ta’ karti mimlija nsulti kontra s-Soċjetà u l-Membri tagħna. 

Ninnutaw li dan l-aġir sar wara li fil-jiem li għaddew il-Kumitati taż-żewġ Għaqdiet tal-Banda fin-Naxxar wrew sinjali ta’ għaqda reċiproka u żorna l-Każini ta’ xulxin. Żgur li min wettaq dan l-aġir ma jridx li nkomplu naħdmu flimkien għall-iskopijiet imsejkna tiegħu. Tal-misħija li għad hawn min irid ikompli jiżra' l-firda u l-mibgħeda fin-Naxxar. 

Il-Kumitat ħa jieħu l-passi kollha meħtieġa skont il-liġi u qed inxandru l-filmat tas-CCTV cameras li ħa jingħata lill-awtoritajiet. Nappellaw biex kull min għandu xi nformazzjoni jersaq ‘l quddiem ħalli din il-persuna tinqabad u titressaq biex tirrispondi għal għemilha. 

Nixtiequ nirringrazzjaw lill-Kumitat tal-Għaqda Marija Bambina, Banda Vittorja li ħarġu stqarrija u kkundannaw dak li seħħ. Nirringrazzjaw ukoll lis-Sindku Ann Marie Muscat Fenech Adami li mal-ewwel ħadet ħsieb tavviċina lill-Membri taż-żewġ għaqdiet u jsir it-tindif meħtieġ. 

Aħna nikkommettu ruħna biex inkomplu naħdmu u nirsistu għall-ġid tan-Naxxarin KOLLHA.

 

Matthew Pullicino

Segretarju Ġenerali

Peace Band Club, Naxxar

 

Filmat tac-CCTV li juri l-att irresponsabbli li sar dalgħodu kmieni

 

Ritratt: Il-membri taż-żewġ Kumitati flimkien fil-Każin tal-Għaqda Mużikali Marija Bambina, Banda Vittorja. Il-Kumitat tas-Soċjeta' Mużikali Peace mad-dħul tal-Irxoxt, irreċiproka u stieden lill-membri tal-Għaqda Mużikali Marija Bambina, Banda Vittorja fil-każin tagħna.

L-aħħar aġġornament sar nhar: It-Tnejn, 22 ta' April 2019


Tagħlim tal-Mużika mall-Banda Peace

Għafas fuq il-buttuna t'hawn taħt sabiex tirreġistra għal tagħlim tal-mużika professjonali minngħajr ħlas.

Wara li tirreġistra, s-Soċjeta' Mużikali Peace ser tikkuntatjak fuq id-dettalji li tkun għadek kemm irreġistrajt bihom.