Nhar il-Ġimgħa 7 ta' Settembru f'lejliet il-Festa fid-9:30pm, il-banda Peace ttellgħat il-Program Vokali u Strumentali annwali fuq il-planċier maestuż tas-Soċjeta' u l'uniku wieħed f'beltna n-Naxxar. Il-banda Peace kienet taħt id-direzzjoni tas-surmast Naxxari, Mro. Lino Pirotta. Din il-Festa Mużikali ittellgħat flimkien ma' Mro. Joseph Chircop, Clifford Galea, Mary Spiteri u ħafna aktar kantanti.
Dan il-Programm Mużikali ġie preżentat minn-Naxxari, s-sur Tonio Vella.
Wara l-Programm Mużikali nħaraq in-nar tal-Art tradizzjonali ta' Lejliet il-Festa, mill-Għaqda tan-Nar Marija Bambina Naxxar.
Filmati LIVE li nġibdu waqt din il-Festa Mużikali
Dawn huma ftit u uħud mill-filmati u mużika ndaqqet mill-Banda Peace nhar is-7 ta' Settembru.